Tiranë, 24 shkurt, NOA – Kryetarja e Kuvendit, Jozefina Topalli akuzoi sot deputetin e Partisë Socialiste, Arben Ahmetaj se me anë të pasurisë, që sipas saj, e ka vjedhur nga “Albtelekomi”, gjatë kohës kur ka qenë zyrtarë i shtetit, ka financuar bllokimin e liberalizimit të vizave.
Pas fjalës së mbajtur pak minuta më parë në Kuvend, ku Ahmetaj akuzoi Topallin për shkelje të ligjeve dhe Rregullores, Topalli u shpreh se ai është një nga deputetët më të pasur në Kuvend, sipas saj me rreh 13 milionë euro.
“13 milionë euro i përdore për të blerë Bostinarun (deputet i PE-së), një racist që flet kundër vizave. I vodhe paratë nga Albtelekomi”, tha Topalli.
Ajo u shpreh se dalja kundër heqjes së imunitetit lidhet dhe me pasurinë. “Si do t‘i mbrosh ti milionat e eurove, prokuroria s’ti hap dosjet. Ke pasur dosje ndaj nuk e heq imunitetin, po shoqja e bulevardit ta ka mbyllur. Me para të vjedhura nga Albtelekomi bashkë me kompaninë Hermës, lobove kundër vizave”, tha sot Topalli.
Pas replikës me Ahmetajn, kryetarja e Kuvendit nuk ja ka dhënë më fjalën deputetit socialist.
a.k/NOA
