Uashington, 25 shkurt, NOA - Ambasadori i ri i Shqipërisë në Shtetet e Bashkuara, Gilbert Galanxhi, paraqiti këto ditë letrat kredenciale tek presidenti i Shteteve të Bashkuara, Barak Obama. Në një prononcim për “Zërin e Amerikës” ai tha se marrëdhëniet mes dy vendeve janë të shkëlqyera. Para se të merte detyrën e ambasadorit në Uashington zoti Galanxhi ishte ambasador i Shqipërisë pranë OSBE-së. Karrierën diplomatike në Shqipëri ai e ka filluar në vitin 1994, si zëdhënës i ministrisë së Jashtme. Më pas, ai ka shërbyer edhe si ambasador i Shqipërisë në Argjentinë. NOA
