Tiranë, 25 shkurt, NOA - Eposi i Kreshnikëve mund të jetë në të ardhmen një pasuri kombëtare që do të mbrohet me ligj nga UNESKO, agjencia e Kombeve të Bashkuara për Trashëgiminë Kulturore. Kështu ka bërë me dije, anëtari i këtij këshilli Vaso Tole, sipas të cilit, e kënduara me lahutë e legjendave të hershme të popullit shqiptar, meritojnë të nominohen si pjesë e UNESKO-s. Bëhet me dije se ky këshill tashmë ka nisur punën që “Eposi i Kreshnikëve” të prezantohet si kryevepër në rrezik, pasi kanë mbetur vetëm 10 lahutarë që dinë t’i këndojnë këto këngë, më pas ky epos mund edhe të zhduket. n.e/NOA
