Los Angelos, 28 shkurt, NOA - Drama mbretërore britanike, The King’s Speech (Fjalimi i Mbretit), fitoi çmimin kryesor si dhe tri shpërblime të tjera në ceremoninë e ndarjes së të famshmëve çmimeve Oskar.
Ceremonia u zhvillua dje në Los Anxhelos, ku aktori Kolin Fërth rrëmbeu çmim si aktori më i mirë, në rolin e mbretit Xhorxh VI.
Por “Fjalimi i Mbretit” mori edhe çmimin Oskar për regjinë më të mirë, si edhe atë për skenarin më origjinal.
Ndërsa Natalie Portman fitoi aktoren më të mirë për rolin e saj të balerinës në filmin “Mjelma e Zezë”. Fjalimi i mbretit ishte nominuar në 12 kategori cmime Oscar . Ceremonia e prezantuar nga Anne Hathawy dhe James Franco është zhvilluar me pak surpriza dhe shume të pritura. Si aktori dhe aktorja më e mirë jo protagoniste janë kurorëzuar Christian Bale dhe Melissa Leo, përkatësisht nënë dhe bir në filmin “The Fighter”. “Toy Story 3” ka fituar si filmi më i mirë i animuar po ashtu dhe cmimin Oscar për muzikën më të mirë. Çmimet Oskar jepen një herë në vit nga Akademia e Filmit e Shteteve të Bashkuara dhe konsiderohen si çmimet më prestigjioze të filmit në botë.
n.e/NOA
