Tiranë, 28 shkurt, NOA – Kryeministri dhe kreu i PD, Sali Berisha kërkoi sot nga strukturat e Partisë Demokratike që në 10 ditët e para të muajit mars të kenë gati emrat e kandidatëve për kryetar bashkie dhe komune në gjithë vendin.
Ai u shpreh një rendësi e veçantë në këto zgjedhje do t’i kushtetohet dhe koalicioneve duke theksuar se duhet të bëhet përfaqësimi më i mirë i vlerave që kërkojnë qytetarët.
“Unë kërkoj nga ju dhe të gjitha strukturat e PD të dëshmojnë vullnet të plotë, gatishmëri të plotë për koalicionet më të gjera më të mira të mundshme në komunitetin e tyre.
Është e rëndësishme që ne tu ofrojmë qytetarëve vlerat më të mira të komuniteteve të tyre dhe ju garantojë se këto vlera kanë një shpërndaje, në të cilën PD-ja pa përgjegjësinë më të madhe, por jo të gjitha, ndaj është e domosdoshme që të ketë një përfaqësim sa më të mirë të koalicionit. Dhjetë ditëshi i parë i marsit, do të jetë ai i finalizimit të kandidaturave”, tha sot Berisha në mbledhjen e Grupit Parlamentar të PD-së.
[media id=170 width=600 height=440]
Berisha foli dhe për projekt në infrastrukturë si Tuneli i Elbasanit, duke theksuar se gjatë inaugurimit të tij do të ftojë dhe përfaqësuesit e PS-së, ose ata që i quajti “anti-tunel”.
a.k/NOA
