Tiranë, 28 shkurt 2011, NOA – Pasi është siguruar për çdo investim të kryer me sukses në reformimin e sistemit të drejtësisë, Sekretari i Përgjithshëm Marc Perrin de Brichambaut shprehu gatishmërinë e tij për investime të mëtejshme të OSBE-së dhe financimin e projekteve të reja të nevojshme në sistemin e drejtësisë. Këtë mbështetje zoti de Brichambaut ia dha ministrit të Drejtësisë Bujar Nishani.
Gjatë takimit ministri i Drejtësisë në fjalën e përshëndeti përfaqësuesin e lartë të OSBE-së për bashkëpunimet e deritanishme midis ministrisë, institucioneve në varësi të saj dhe prezencës së OSBE-së në Tiranë.
“Ky bashkëpunim ka dhënë një kontribut të çmuar në zbatimin e të drejtave të njeriut dhe në forcimin e shtetit ligjor”, tha ministri Nishani.
Në këtë kuadër ministri i Drejtësisë përmendi një nga zbatimet aktuale të këtij bashkëpunimi atë të rregjistrimit fillestar të tokave në zonën e Jugut, si dhe bashkëpunimit të tyre në procesin e hartimin të Strategjisë së sistemit të Drejtësisë.
Më tej ministri Nishani shprehu gatishmërinë për bashkëpunimin e mëtejshëm me OSBE-në sa i përket trajnimit të nëpunësve të administratës në shërbimin peneticiar, shërbimit të provës, ndihmës ligjore etj.
Të dy bashkëbiseduesit shprehën besimin se projektet e mëtejshme do të kontribuojnë në rritjen e besimit të publikut tek sistemi i drejtësisë dhe fuqizimin e shtetit ligjor në Shqipëri.
mit/NOA
