Tiranë, 28 shkurt 2011, NOA – Një plagosje me armë zjarri ka ndodhur pak minuta në Tiranë pas një sherri mes tre të rinjve.
Në shënjestër të goditjes me armë ishte 30-vjeçari Ndriçim (Shkëlqim) Hasa, i cili është dërguar menjëherë në spitalin Ushtarak dhe ndodhet në gjendje kritike për jetën.
Ngjarja ndodhi në rrugën “Ylber Bylykbashi” e cila ndodhet pranë komisariatit nr. 2 të policisë së kryeqytetit.
Forcat e policisë kanë mbërritur në vendngjarje dhe kanë nisur hetimin për zbardhjen e ngjarjes.
Sipas të dhënave autorët e plagosjes së Hasës janë dy persona, të cilët sipas banorëve të zonës janë larguar menjëherë nga vendngjarja pasi qëlluan mbi 33-vjeçarin.
Sipas policisë dy autorët e dyshuar u larguan me një makinë Benz.
Ende nuk dihen motivet e plagosjes së 33-vjeçarit Hasa, i cili banonte pikërisht në rrugën ku dhe ndodhi plagosja e tij me armë.
Tashmë është ngritur grupi hetimor, ndërkohë që policia po punon për identifikimin e autorëve të plagosjes së 4Hasës.
mit/NOA
