Tiranë, 1 mars, NOA – Kryetari i Partisë Socialiste, Edi Rama ka hedhur poshtë edhe një herë mundësinë e bojkotimit të zgjedhjeve, duke theksuar se kjo është një dëshirë e mazhorancës dhe jo e opozitës.
“Zgjidhja reale e krizës së thellë që po kalon Shqipëria, për faj të Saliut, fillon me largimin e Saliut dhe zgjedhje të reja të lira dhe të ndershme. Ëndrra e Saliut dhe Ilirit për bojkotin e zgjedhjeve nuk do të realizohet kurrë”, tha sot Rama në një konferencë për mediat.
[media id=173 width=600 height=440]
Ai u shpreh se në takimet më ndërkombëtarët u është bërë e ditur se në këto kushte zgjedhjet nuk mund të zhvillohen.
“Zgjidhjet në këto kushte nuk mund të zhvillohen, e kemi thënë në mënyrë të hapur dhe të sinqertë edhe me miqtë dhe partnerët e Shqipërisë dhe kemi nënvizuar vullnetin tonë për të ndryshuar këto kushte, pa të cilat nuk mund të ketë zgjedhje”, tha sot Rama.
a.k/NOA
