Tiranë, 1 mars, NOA Update – Kreu i Entit Rregullator të Energjisë, Bujar Nepravishta, ka shpjeguar sot paradite, publikisht vendimin mbi dorëheqjen e tij nga ky post.
Sipas tij, nuk ka në fakt asnjë vendim nga Kuvendi për shkarkimin e tij, në një kohë kur dihet se është pikërisht institucioni i legjislativit që ka të drejtën ligjorë për emërimin dhe shkarkimin e kreut të ERE-së.
Ndërsa lidhur me vendimet mbi rritjen e çmimeve të energjisë elektrike, ai tha se merren bazuar në një metodologji të caktuar.
Bujar Nepravishta ka mbajtur detyrën e kryetarit të Entit Rregullator të Energjisë prej më shumë se 6 vitesh, dhe që atëherë ai është përballur me disa debate mbi rritjen e çmimit të energjisë elektrike.
n.e/NOA
