Tiranë, 2 mars 2011, NOA- Kryetari i partisë për Drejtësi Intergim dhe Unitet, Shpëtim Idrizi, gjatë një takimi me përkrahësit dhe strukturat në qytetin e Elbasanit është shprehur lidhur me pjesëmarrjen e kësaj partie në zgjedhjet e 8 majit.
Idrizi ka deklaruar se, “Jemi në bisedime me Partinë Demokratike për një aleancë të mundshme në zgjedhjet lokale, pasi e shohim si më afër politikës sonë”.
Më tej ai ka përshëndetur edhe vendimin e qeverisë për shtyrjen e regjistrimit të popullsisë mbi baza etnike edhe fetare e cila pritej të niste në fillim të muajit prill.
Ministri i Teknologjisë dhe Inovacionit pak ditë më parë deklaroi se shtyrja e regjistrimit të popullsisë vjen pasi, ky veprim kërkon një përkushtim të madh dhe sipas tij ky përkushtim mungon, pasi procesi do zhvillohej në të njëjtën kohë me zgjedhjet lokale të 8 majit.
PDIU prej kishte nisur protestat kundër këtij regjistrimi pasi e konsideronte si të padrejtë dhe antikushtetues.
a.y/NOA
