Shkup, 4 mars, NOA - Raporti i Departamentit Amerikan të Shtetit në raportin vjetor për luftën kundër trafikut ndërkombëtar të drogës vlerëson se Maqedonia ka bërë përparim në luftën kundër drogës gjatë vitit 2010.
Maqedonia nuk është as një prodhues i madh e as një nga pikat e mëdha rajonale tranziti për drogë të paligjshme. Qeveria e Maqedonisë vazhdon të bëjë progres në luftën kundër trafikut të drogës dhe zbatimit të Planit Kombëtar të Veprimit 2008-2012 mbi Drogën, me një fokus të veçantë këtë vit dhe në vitet e ardhshme”, theksohet në raport.
Në raport bëhet e ditur për rritje të shitjes së paligjshme të marihuanës komerciale, por numrat për kapjen dhe rastet penale ka mbetur në lidhje me të njëjtin nivel me 2009.
Në raportin e DASH nënvizohet se Maqedonia është një nga rrugët në Ballkan që përdoret për trafikimin e heroinës afgane (përmes Turqisë dhe Bullgarisë), për në Evropën Perëndimore.
Drogat sintetike në tregun e Maqedonisë janë kontrabanduar nga Bullgaria fqinje dhe Serbia dhe gjithashtu nga Holanda.
Në Maqedoni theksohet se nuk ka raporte të prodhimit vendor të paligjshëm ose rafinimin i heroinës apo drogave të paligjshme sintetike.
Sipas Ministrisë së Punëve të Brendshme (MPB) në vitin 2010 ndaj 649 personave janë ngritur akuza penale të lidhura me narkotikët, një rritje prej rreth 340 personave në krahasim me 2009, për një total prej rreth 500 rasteve penale.
Raporti vlerëson bashkëpunimin e MPB-së së Maqedonisë me vendet fqinje, si dhe me vendet evropiane. Bashkëpunimi me i ri mes Kosovës e Maqedonisë ka vazhduar të përmirësohet dhe se inteligjenca maqedonase ka kontribuar në kapjen e 74 kg heroinë në Greqi, një rast i koordinuar nga Agjencia Amerikane për Zbatimin e drogës (DEA).
NOA/INA
