Tiranë, 4 mars 2011, NOA- Kryetarja e Parlamentit Jozefina Topalli ditën e sotme zhvilloi takimin me gratë piktore dhe skulptore, në kuadër të “Javës së Gruas”.
Në sallën e pritjes, me dhjetra femra të pikturës u përgëzuan për punën e tyre nga ana e Kryeparlamentares e cila i cilësoi femrat si motorrin lëvizës të shoqërisë.
Gjatë takimit Topalli paraqiti edhe ekspozitën e hapur në ambientet e kryesisë së Kuvendit nga gratë piktore.
Ajo i falenderoi ato për punën e tyre të cilën e cilësoi si mjaft të vyer dhe që sipas saj i kanë dhënë gruas finesën dhe hijeshinë që e karaktetizon.
Ky takim i cili u zhvillua në ambientet e Kryesisë së Kuvendit, ishte i dyti pas atij të pasdites së djeshme me femrat e suksesshme në botën e sportit.
Këto takime vijnë njëra pas tjetrës pas shpalljes nga Kryeparlamentarja Jozefina Topalli si “Java e Gruas”, në kuadër të 100-vjetorit të 8 Marsit, festës së gruas.
a.y/NOA
