Tiranë, 6 mars 2011, NOA- (Update) Një vajzë 18-vjeçare e cila ecte mbi shina ka gjetur vdekjen e përplasur nga treni.
Lidhur me ngjarjen polica ka zbardhur detajet dhe shkaqet që çuan në ngjarjen tragjike.
Uniformat blu, bëjnë me dije se, shkaku i aksidentit ka qenë vetë 18-vjeçarja e cila, duke mbajtur kufje në vesh, nuk ka dëgjuar zhurmën e trenit i cili po afrohej drejt saj.
Ka qenë ky momenti fatal për vajzën e cila nuk ka pasur as mundësinë më të vogël për të evituar përplasjen.
Policia informon se ka bërë ndalimin e drejtuesit të trenit për të zbardhur edhe më shumë detaje mbi aksidentin e rëndë.
Ndërkaq, mësohet se viktima e cila ndodhet në morgun pranë Qendrës Spitalore Universitare “Nënë Tereza”, ende nuk është identifikuar dhe shkak për këtë mendohet të jenë dëmtimet e marra.
Aksidenti ndodhi rreth 30 minuta më parë pranë ish-kombinatit “Josif Pashko” në kryeqytet.
a.y/NOA
