Gjilan, 7 mars, NOA – Shtatë persona kanë rënë në prangat e Policisë së Kosovës për trafikim të emigrantëve dhe për mashtrim. Arrestimi i tyre është bërë në kuadër të operacionit “Akrepi 1”, në qytetin e Gjilanit. Dyshohet se personat e arrestuar kalonin emigrantët jashtë Kosovës në këmbim të një sasi të konsiderueshme parash.
Personat e arrestuat janë me nënshtetësi serbe dhe kosovare. Shtetasit e Kosovës janë Nazmi D. 35 vjeç, Shefshet H. 28 vjeç, Rrustem Rr. 29 vjeç. Ndërkohë që shtetasit serb janë; Adnan O. 31 vjeç, Hadi L. 20 vjeç, Bejtullah B. 27 vjeç dhe Gazmend A. 21 vjeç.
Arrestimi i tyre u bë nga Departamenti Kundër Krimit të Organizuar i Policisë së Kosovës. Si pjesë e realizimit të operacionit, gjatë kontrollit të ushtruar policia ka konfiskuar nga të dyshuarit një sasi prej 6000 eurosh. Policia ka identifikuar edhe gjashtë viktima të cilët janë kthyer në shtëpitë e tyre me asistencën e policisë.
a.k.NOA
