Shkup, 8 mars 2011, NOA- Ministrja e Punëve të Brendshme, Gordana Jankullovska deklaroi se Qeveria sot ka miratuar ndryshimet dhe plotësimet e Kodit Zgjedhor.
Sipas saj, me këto ndryshime rregullohet votimi i diasporës në zgjedhjet e ardhshme, ndërsa në kodin e ri zgjedhor janë përfshirë edhe të gjitha rekomandimet e OSBE/ODIHR.
“Kodi zgjedhor mundëson një kornizë ligjore për zgjedhje cilësore, fer dhe demokratike. Me këtë ligj sanskionohen edhe të gjitha ata që shkelin rregullat”, deklaroi ministrja Jankullovska.
Sipas saj, me këtë Kod të ri zgjedhor i ofrohet edhe LSDM opozitës kushte më të mira për zgjedhje, sikur asnjëherë më pas sa i është ofruar opozitës.
Ajo theksoi se pret që opozita të rikthehet në Parlament dhe të votojë Kodin e ri Zgjedhor, për të shkuar më pas në zgjedhje të parakohshme parlamentare.
(INA)/ NOA
