Siberi, 3 Mars NOA - Lajmet e fundit nga fronti i alienëve: UFO-të jo vetëm që ekzistojnë, por dhe flasin në gjuhën e maceve. E përditshmja britanike “Daily Mail” ka lëshuar një histori më kufi me realitetin: një takim të tipit të tretë në ritmin e “miao miao”. Jemi në Siberi, në qytetin e Yakutsk. Kontrollorët e stacionit të fluturimit kanë përgjuar një objekt jo të identifikuar të klasifikuar si “000000”. Shpejtësia me të cilën kanë lëvizur në qiell kap më shumë se 6 mijë kilometër orare. Megjithatë për të pasur kontakt me anijen, është praktikisht e pamundur. Një pilot ka treguar se ka pasur një kontakt me radio, megjithëse ishte shumë i shpejtë: “Kam dëgjuar një zë femëror, sikur një grua të të bënte miao-miao gjatë gjithë kohës”.
r.b/NOA
