Athinë, 11 mars, NOA - Zyra e Interpolit në Tiranë informon se ditën e djeshme, nga homologia e saj në Athinë të Greqisë, është bërë i mundur arrestimi me qëllim ekstradimi drejt vendit tonë, i 44-vjeçarit shqiptar të quajtur Shaip (Vasillaq) Lulja.
Siç raportohet për agjencinë e Lajmeve NOA, i linduri në fshatin Shegas të Lushnjës, rezulton i dënuar me 10 vjet burg nga gjykata e Elbasanit, që para 9 vitesh.
Konkretisht, ai është akuzuar për kryerjen e veprës penale të “Shfrytëzimit të prostitucionit në rrethana rënduese”, parashikuar nga nenet 114/a, pika 5 e 6 të Kodit Penal.
I fshehur në shtetin fqinj, ai ka mundur të bjerë në pranga si rezultat i bashkëpunimit të zyrave “Interpol Tirana” dhe “Interpol Athina”.
n.e/NOA
