Fier, 12 mars, NOA - Kryeministri Sali Berisha ka deklaruar sot nga qyteti i Fierit se zgjedhjet e 8 majit janë një mundësi për qytetarët që të zgjedhin drejtuesit më të mirë të qeverisjes vendore. Gjatë përurimit të dy rrugëve në këtë qark, Berisha ka theksuar se “mazhoranca është në zgjedhje për popullin”.
Ai ka sulmuar opozitën duke deklaruar se ajo dhe lideri i saj hyjnë në këtë betejë elektorale për të qëndruar në karriget që kanë aktualisht. Kryeministri tha se “8 maji është për opozitën zgjidhje politike për karriget e tyre”.
Ai ka folur dhe për ndërtimet në Fier dhe në zonat për rreth. Kreu i mazhorancës tha se në 5 vite janë ndërtuar 62 shkolla. Ndërkohë që janë bërë investime në infrastrukturë, gjë që ka sjellë dhe përmirësimin e jetës së banorëve në këtë zonë.
a.k/NOA (vijon...)
