Tiranë, 13 mars 2011, NOA- Nëpërmjet zëdhënësit të saj Bashkia e Tiranës, iu kundërpërgjigj ministrit të Transporteve Sokol Olldashi, duke thënë se ai vetëm shpif dhe se Kryeministri Berisha grabit.
“Projekti i devijuar i Unazës lidhet me grabitje trojesh, për interesat e Saliut, jo me lejet e Bashkisë së Tiranës. Projekti i Bashkisë së Tiranës, realizuar nga ekspertë ndërkombëtarë, me financim të BERZH-it dhe i miratuar edhe në KRRT nuk e cenon Kopshtin Botanik”, deklaroi zëdhënësi i bashkisë, Florion Serjani.
Sipas tij, projekti i pamiratuar në KRRT, është i Saliut dhe i bërë me ekspertin e grabitjes së rrugëve Sokol Olldashi mbi kokë, të cilët theksoi Serjani, e shqyen Kopshtin Botanik.
Më tej ai tha se, këto dy projekte janë në fakt, dy pasqyra për të parë se kush është Qeveria dhe kush është Bashkia.
a.y/NOA
