Tokio, 15 mars, NOA – Një shpërthim i ri ka ndodhur mëngjesin e ditës së sotme në centralin bërthamor japonez Fukushima 1, duke bërë që gjendja të dalë gjithnjë e më shumë jashtë kontrollit dhe të shtohet paniku i popullatës për një shtim të rrezikut të ekspozimit nga radioaktiviteti.
Kështu, mediat vendase bëjnë me dije se rrezatimi radioaktiv përreth Fukushimës 1 ka kaluar vlerat normale duke arritur ato nivele që rrezikojnë jetën e qytetarëve.
Nga ana e tij, kryeministri japonez ka bërë me dije se shkalla e rrezatimit në këtë zonë është tani është shumë e lartë dhe prandaj njerëzit përreth centralit Fukushima, duhet patjetër që të largohen nga ai rajon.
"Radioaktiviteti është shpërndarë nga këta reaktorë dhe nivelet e regjistruara duken shumë të larta. Ka rrezik që të dalë edhe më shumë material radioaktiv", tha Kan. n.e/NOA
