Shkup, 16 mars, NOA – Edhe pse u mblodhën në një takim të përbashkët që zgjati mbi 10 orë, liderët e politikës maqedonase, nuk arritën dot që të konkludojnë diçka konkrete lidhur me zgjedhjet e parakohshme në vend.
Megjithatë, ajo që buroi nga takimi mes kryeministrit Nikolla Gruevski dhe liderit të opozitës Branko Cërvenkovski, ishte fakti i bërjes me dije para njëri-tjetrit të propozimeve të secilës palë për zgjidhjen e krizës politike në vend.
Kështu, nga ana e tij, Gruevski propozoi që parlamenti të shpërbëhet më 31 mars, kurse zgjedhjet e parakohshme në Maqedoni të mbahen më 15 maj.
Ndërsa Cërvenkovski e ka akuzuar Gruevskin dhe partinë e tij VMRO-DPMNE, se nuk janë konstruktivë.
Nga ana e tij, ai ka propozuar që të zhvillohet sa më parë një takim i liderëve politikë, ku të marrin pjesë edhe partitë politike shqiptare në Maqedoni.
Pa harruar që të kërkojë plotësimin e kushteve të opozitës.
n.e/NOA
