Elbasan, 17 mars, NOA – Sistemi gjyqësor në vend ka nevojë për përmirësime, sikundër edhe Kodi i Procedurës Penale, i cili do të ndryshohet së shpejti.
Një fakt të tillë, nënkryetari i Këshillit të Lartë të Drejtësisë, Kreshnik Spahiu, e ka bërë me dije gjatë një takimi që ka zhvilluar paraditen e sotme në gjykatën e Elbasanit.
Sipas tij, infrastruktura gjyqësore është e mjerueshme, prandaj ajo paraqet domosdoshmërinë e ndryshimeve të menjëhershme, për t’i shërbyer sa më mirë qytetarit, i cili kërkon drejtësi.
“Në Elbasan, numërohen 33 çështje për gjyqtar në vit”, tha më pas ai, duke kërkuar prej gjyqtarëve sa më shumë korrektesë në zbatimin e ligjit dhe moszvarritje të proceseve gjyqësore, gjë për të cilën qytetarët paraqesin shumë ankesa.
n.e/NOA
