Prishtinë, 18 mars, NOA – Shefja e diplomacisë së Bashkimit Evropian, Catherine Ashton, pas dhjetë ditësh do të zhvillojë një vizitë zyrtare në Kosovë.
Lajmi konfirmohet nga burimet e ministrisë së Jashtme të Kosovës, sipas të cilave, Ashton do të jetë e pranishme në Prishtinë përkatësisht gjatë datave 28 dhe 29 mars.
Vizita e saj, kryhet menjëherë pas raundit të dytë të dialogut ndërmjet Kosovës dhe Serbisë në Bruksel, më 24 dhe 25 mars do të mbahet raundi i dytë, ku do të bisedohet për çështje teknike.
Në lidhje me një fakt të tillë, shefja e ekipit kosovar në dialogun me Serbinë, zv/kryeministrja Edita Tahiri ka thënë se gjatë vizitës së kryediplomates evropiane në Kosovë do të kërkohet të bëhet e qartë axhenda e bisedimeve me Serbinë dhe se çfarë fiton Kosova, duke qenë bashkëpunuese.
n.e/NOA
