Vlorë, 18 mars, NOA – Forcat e policisë së Vlorës, falë operacionit të koduar “Rruga e Re”, kanë bërë të mundur kapjen e të shumëkërkuarit Granit Çaushi, 22 vjeç, banues në fshatin Brataj.
Siç bëhet me dije për agjencinë e Lajmeve NOA, ky person në bashkëpunim me Florat Godaj, i arrestuar më parë, para 4 vitesh, në fshatin fshatin Brataj, në vendin e quajtur “Ura e Brashecit”, me maska dhe të armatosur kanë tentuar të vjedhin furgonin e linjës Vlorë-Kuç duke qëlluar disa herë në ajër.
Mbas ngjarjes, Granit Çaushi është larguar në drejtim të shtetit grek, ndërsa Florat Godaj është arrestuar pak ditë më pas ngjarjes.
Çaushi është dënuar me vendim gjyqësor të formës së prerë me 3 vjet e 4 muaj burg për veprën penale “Vjedhje me armë” e mbetur në tentativë, e kryer në kushtet e bashkëpunimit parashikuar nga nenet 140, 25 e 22 të Kodit Penal.
n.e/NOA
