E shtunë, 19 mars 2011, NOA- Pas nisjes së sulmit mbi Libinë edhe Italia është shprehur pro tij, madje ka vënë në dispozicion të aleatëve bazat e saj ushtarake.
Këto baza të cilat ndodhen në Napoli janë zyrtarizuar nëpërmjet deklaratave të
Kryeministrit italian Silvio Berluskoni, pas samitit ndërkombëtar të zhvilluar në Paris.
Berluskoni ka theksuar se Italia do të jetë e gatshme në bazë të nevojave që do të dalin përpara për të ndërhyrë në mënyrë direkte në Libi.
Edhe Presidenti i Italisë, Giorgio Napolitano vlerësoi marrëveshjen e arritur në Paris për sulmet mbi Libinë si dhe qëndrimin që ka marrë Italia lidhur me këtë çështje.
Në qytetin e Trapanit ku ndodhet baza ushtarake, në Siçili janë vendosur disa avionë të NATO-s të cilët do të qëndrojnë në gjendej gatishmërie në rast të ndonjë nevoje për ndërhyrje.
a.y/NOA
