Tiranë,21 mars, NOA – Partia Socialiste ka mbledhur pak minuta më parë Grupin Parlamentar. Burime nga selia rozë bëjnë të ditur se në këtë takim do të diskutohet për kandidimin e kryetarit të PS-së, Edi Rama për në Bashkinë e Tiranës.
Pritet që kreu i PS-së, Rama të njoh deputetët me vendimin e tij për të kandiduar ose jo për herë të katërt në krye të bashkisë më të madhe në vend.
Ndërkohë që një pjesë e mbledhjes së deputetëve të PS-së do t’i kushtohet edhe qëndrimit që do të mbajë kjo forcë politike më aleatët dhe zonat që do t’u jap për zgjedhjet e 8 majit.
Pritet që më pas të ketë dhe një komunikim të PS-së në lidhje me vendimet që janë marrë në mbledhjen e deputetëve.
Kreu i PS-së tha të premten se ditën e sotme opinioni do të njihet me vendimin për kandidimin e tij në Tiranë.
a.k./NOA
