PS: Berisha ka frikë, bleu makinë të blinduar

Tiranë, 22 mars, NOA – Partia Socialiste ka denoncuar blerjen e një makinë të blinduar nga qeveria shqiptare, duke e cilësuar si një skandal në shpërdorimin e parave të taksa paguesve. Deputeti i PS, Taulant Balla tha në një deklaratë për mediat se kreu i qeverisë është peng i makthit të tij.

“Si ka mundësi që një kryeministër që pretendon se e ka zgjedhur populli me votë të lirë sot është peng i makthit të tij? Kurrë më shqiptarët nuk do t’i besojnë gënjeshtrave e turpeve të Kryeministrit kusar e vrasës”, tha sot Balla.

Ai u shpreh se është kjo makinë ka një vlerë prej 700 milionë lekësh dhe vendimi për blerjen e saj është fshirë nga faqja on-linë e Qeverisë.

“Vetëm për makthin e Sali Berishës, me paratë e shqiptarëve, është blerë kjo makinë bunker. Me një vendim të veçantë datë 5.11.2010, me nr. 867, me paratë e rezervuara për raste të emergjencave civile dhe fatkeqësish natyrore, Këshilli i Ministrave të matrapazllëqeve ka blerë një autoblindë për Kryematrapazin Sali. Më e turpshmja është se sot ky vendim është fshirë nga regjistri online i vendimeve të Këshillit të Ministrave. Pushteti i kusarisë e matrapazllëkut, cili vodhi zgjedhjet për të vjedhur Shqipërinë, pushteti që drejtoi armët mbi popullin e tij duke vrarë më 21 Janar protestues të pafajshëm, për të vazhduar të vjedhë, është kthyer tashmë në një bunker”, tha Balla.

Nga ana tjetër i theksoi se Sali Berisha u hoqi makinat policëve, prokurorëve, gjyqtarëve, institucioneve kushtetuese, gjoja për të kursyer nga shpenzimet e shtetit.

“Të gjitha këto mjete e para i këmbeu me një makinë të vetme, një autoblindë luksi për veten. Nga taksat e shqiptarëve, nga pasuria e përbashkët, me 700 milionë lekë është blerë ky autoblindë për Kryeministrin e qeverisë me bllok në dorë. 700 milionë lekë për një bunker me rrota”, tha ai.

Sipas Ballës me çmimin që është blerë kjo makinë do të ishin paguar 10 mijë pensione.

“Sot më shumë se kurrë është e qartë se Saliu nuk është një kryeministër i një vendi demokratik, i zgjedhur me votë të lirë, por vetëm një autokrat që ka frikë nga populli.

Kurrë më shqiptarët nuk do ti japin votën e tyre Sali Berishës”, tha ai.

a.k./NOA

• Florinda Koci18:48 - 23 Mars 2011
  Po ztnia sali berisha kujton se qytetaret hain bar dhe ai esht i zjuar vjedh votat e shqipetarve dhe thot un jam i zjuar ai duhet ta lej punen qe ben por nuk e len sepse pastaj ai do gjykohet cfar ka ber se do dalin sheshit te gjitha
• Ermelinda Xhillari19:32 - 22 Mars 2011
  Sipas meje publiciteti eshte gjithmone hapi i pare per te filluar nje tregti te begate.E gjitha kjo me duket me shume nje bum mediatik dhe gjithashtu matesi i pulsit per nje fillim te ri fushate. Z.Berisha gjithmone eshte shquar per nje mencuri te trashe ne dukje por ne te vertete nuk eshte keshtu. Asgje nuk eshte ashtu sic duket.Sigurisht qe ky eshte nje investiment shume i larte per te ardhmen e tij,por,gjithshka mbetet nje pikpyetje si qellimet e tij per kete reklame te panevojshme ashtu edhe rrugen qe do te ndjeke politika e tij.Te shpenzosh nje shume te tille kur populli ka nevoja te tjera me urgjente eshte patjeter fillimi i politikes per zgjedhjet e reja. Keshtu qe s na mbetet gje tjeter vecse te gelltisim tekat prej politikani dhe te hame *bar*.