Elbasan, 23 mars, NOA – Një ngjarje e rëndë ka ndodhur disa minuta më parë në fshatin Mollas të Elbasanit. Korrespodenti i Agjencisë NOA raporton se një 17 vjeçar është vrarë me armë zjarri. Adriatik Gjini ka humbur jetën pas një zënke me një bashkëmoshatar të tij. Ngjarja e rëndë ka ndodhur për motive të dobëta, kur pas konfliktit një prej të rinjve ka marrë armën e zjarri dhe ka qëlluar mbi 17 vjeçarin Adratik Gjini.
Pas sinjalizimit për ngjarjen, policia ka shkuar në fshatin Mollas dhe është vënë në kërkim të autorit. Ndërkohë që po hetohen edhe shkaqet që sollën sherrin dhe humbjen e jetës së 17 vjeçarit.
a.k.NOA
