Bruksel, 24 mars 2011, NOA – Kryeministri Sali Berisha deklaroi sot në Bruksel se qeveria shqiptare angazhohet tërësisht për garantimin e zgjedhjeve të lira e të ndershme në 8 maj. Gjatë pjesëmarrjes në samitin e Partive Popullore Europiane kryeministri Berisha i njohu europarlamentarët me situatën politike në Shqipëri dhe përgatitjet për zgjedhjet lokale të 8 majit.
Shefi i qeverisë kërkoi mbështetjen qeverive të vendeve pjesëmarrëse për dërgimin e një numri sa më të lartë vëzhguesish për zgjedhjet lokale të 8 majit, në mënyrë që këto zgjedhje të jenë sa më transparente.
I pyetur pas samitit për akuzat e opozitës mbi manipulimin e listave të zgjedhësve, shefi i ekzekutivit shqiptar i komentoi kështu: "Në të gjitha qytetet e mëdha qeveris opozita. Me sa shoh unë opozita po ankohet drejt vetes se vet”, tha kryeministri duke theksuar se ai nuk mund të bëjë asgjë për t’i hequr dyshimin shefit të opozitës Edi Eama.
“Njëherë akuzoi 20 000 komisionere, tani akuzon qeveritarët e tij vendorë. Këto janë probleme të brendshme të opozitës. Ajo çka unë mund t’u garantoj, është përkushtimi i plotë dhe total, një proces zgjedhor të lirë dhe të ndershëm”, tha kryeministri. Vijon...
mit/NOA
