Tiranë, 24 mars 2011, NOA – Gjirokastra dhe Saranda do të ketë nesër ndërprerje të pjesshme disaorëshe të furnizimit me energji elektrike. Njoftimin e jep Operatori i Sistemit të Transmetimit, i cili bën me dije se të premten në 25 mars do të ketë stakime të pjesshme të furnizimit me energji elektrike në zonën e Gjirokastrës e të Sarandës.
OST njofton se stakimet e pjesshme të energjisë elektrike në këto dy zona do të bëhen nga ora 08-00 deri ne 13-00 të ditës së premte.
OST nënvizon se këto stakime do të bëhen për arsye të punimeve në linjën 110 KV, Memaliaj-Gjirokastër, për riparimin e një dëmtimi të konstatuar në një fazë të kësaj linje.
mit/NOA
