Prishtinë, 25 mars, NOA – “Në Kosovë kanë ndodhur qindra krime nga forcat serbe, të cilat dihet se kush i ka bërë e askush nuk po interesohet për atë çështje”.
Kështu ka pohuar deputeti kosovar Fatmir Limaj, gjatë një interviste televizive të realizuar në Kosovë, duke prekur çështjen e hetimeve ndaj figurës së tij.
Sipas Limajt, po hetohet një person dy herë dhe po tentohet në të gjitha mënyrat që ai të futet në burg, ndërsa krimet serbe nuk po i heton askush.
E pikërisht për këtë fakt, ai i ka cilësuar si absurde hetimet e ngritura ndaj tij.
Madje ka aluduar se pas nisjes së këtyre hetimeve, fshihen persona, të cilët kërkojnë me çdo kusht eliminimin e tij nga fusha e politikës kosovare.
“Hetimi kundër meje, bëhet për qëllime politike”, tha ai.
n.e/NOA
