Tibet, 26 mars, NOA – Qeveria e Tibetit ka njohur sot zyrtarisht, vendimin e Dalai Lamas, udhëheqësit shpirtëror të tibetianëve, për dorëheqje të tij.
I detyruar të jetojë në ekzil në Indi prej vitit 1959, Lama e paralajmëroi tërheqjen nga jeta publike që para disa muajsh dhe duket se qeveria tibetiane, edhe pse nuk e dëshironte këtë, është detyruar ta marrë në konsideratë këtë dëshirë të liderit shpirtëror të popullatës së saj.
Fituesi i çmimit Nobel për paqen, Dalai Lama e ka projektuar tërheqjen e tij me shpresën për t’u rikthyer pas 51 vitesh në atdhe.
Tashmë, ai është 76 vjeç dhe dëshiron të jetojë i qetë në tokën, të cilën e ka adhuruar përherë nga larg.
“Në këtë vendim timin, nuk ka asgjë dramatike, pasi qysh prej vitit 2001, lëvizja tibetiane në ekzil ka vënë në funksionim një mekanizëm në bazë të të cilit vendimet më të rëndësishme të saj merren nga lidershipi politik”, e ka komentuar ai këtë vendim të tijin.
n.e/NOA
