Tiranë, 27 mars, NOA – Partia Socialiste ka reaguar pas deklaratave të bëra sot nga Kryeministri Sali Berisha në mbledhjen e këshillit Kombëtare të PD-së. Shigjetat e kritikave kanë shkuar në adresë të kandidatit të PD-së për Tiranën, Lulzim Basha. Deputeti i PS-së, Eduard Shalsi tha për media se Lulzim Basha ka marrë bekimin e dy njerëzve të akuzuar për korrupsion, Meta dhe Mediu.
“Një Lul që Saliu e urdhëron të vrasë, dhe që Luli me papërgjegjshmëri, vret. Se dimë se çfarë e ka urdhëruar Saliu Lulin e radhës të bëjë për Tiranën, por dimë që dje Luli mori bekimin e Metës së videos dhe të Mediut të Gërdecit. Zoti na ruajtë nga Luli që s’di se ç’bën që do të thotë, Zoti e ruajt Tiranën dhe Shqipërinë nga Saliu”, tha sot Shalsi.
Ai u shpreh se askush nuk e di çfarë ka ndërmend të bëjë kandidati i PD-së në Tiranë.
“Kemi parë këto ditë të lëshojë nëpër rrugët e Tiranës një Lul të ri. Katër vjet më parë kishte një tjetër Lul. Sot një lloj tjetër Luli, një Lul që Saliu e urdhëroi të shkatërronte Zogun e Zi dhe Luli i përulur e bën. Një Lul që Saliu e urdhëron të falë detin shqiptar, dhe Luli i nënshtruar e bën. Një Lul që Saliu e urdhëroi të grabisë rrugën e kombit dhe Luli i bindur e bën”, tha Shalsi.
Deputeti i PD-së ju përgjigj dhe batutës së bërë sot nga kryeministri në lidhje me golin e shënuar dje nga kombëtarja.
“Ky njeri me emrin Sali nuk njeh limite. Aq shumë e ka rrëmbyer pasioni për të vjedhur sa që dot provoi të vidhte edhe golin e Salihit. Natyrisht jo për golin por për vjedhjen që i bëri golit, fajin e ka Saliu”, tha dje Shalsi.
a.k/NOA
t-fam? e
Kemi parë këto ditë të lëshojë nëpër rrugët e Tiranës një Lul të ri. Katër vjet më parë kishte një tjetër Lul. Sot një lloj tjetër Luli, një Lul që Saliu e urdhëroi të shkatërronte Zogun e Zi dhe Luli i përulur e bën. Një Lul që Saliu e urdhëron të falë detin shqiptar, dhe Luli i nënshtruar e bën. Një Lul që që Saliu e urdhëroi të grabisë rrugën e kombit dhe Luli i bindur e bën. Një Lul që Saliu e urdhëron të vrasë, dhe që Luli me papërgjegjshmëri, vret.
Se dimë se cfarë e ka urdhëruar Saliu Lulin e radhës të bëjë për Tiranën, por dimë që dje Luli mori bekimin e Metës së videos dhe të Mediut të Gërdecit. Zoti na ruajtë nga Luli që s’di se c’bën që do të thotë, Zoti e ruajtë Tiranën dhe Shqipërinë nga Saliu.
