Tiranë, 28 mars, NOA, Update - Makina “Audi Q7” me targa amerikane, së cilës ju vendos lënda plasëse në afërsi të Gardës së Republikës rezulton në pronësi të Genti Saukut.
Ndërkohë që shoferi i mjetit ka qenë Altin Deda. Vet Sauku në momentin e shpërthimit ka qenë në palestrës. Sipas raportimeve paraprake besohet se shpërthimi i lëndës eksplozive ka qenë i qëllimshëm.
Bëhet e ditur se Sauku është pronar tokash në kryeqytet. Fillimisht makina ka qenë afër palestrës, ndërsa më pas është parkuar afër Gardë së Republikës.
Ngjarja e rëndë tronditi qytetarët e kryeqytetit. Menjëherë sapo kanë mësuar lajmin, forcat policore kanë mbërritur në vendngjarje, duke u përpjekur të kuptojnë se çfarë ka ndodhur në të vërtetë.
Shoferi i makinës është plagosur lehtë. Ndërkohë ekspertët e policisë kanë nisur hetimet dhe kanë marrë në pyetje disa persona që kanë qenë afër vendit të ngjarjes.
