Nju Jork, 30 mars 2011, NOA – 40 organizata të komunitetit shqiptaro-amerikan kanë shprehur shqetësimin e thellë për zhvillimet më të fundit politike në Shqipëri dhe degradimin e vazhdueshëm të klimës politike brenda institucioneve shqiptare. Diaspora shqiptare duke iu referuar arritjeve të shënuara në vitet e demokracisë së re shqiptare thekson në deklaratën e saj se “Shqiptarët kanë përqafuar me bindje të plotë progresin drejt proceseve integruese në Bashkimin Europian, si dhe
konsolidimin e mëtejshëm të marrëdhënieve historike e strategjike me Shtetet
e Bashkuara nëpërmjet forcimit dhe zgjerimit të marrëdhënieve ekonomike mes
dy popujve tanë”.
Por, diaspora shqiptaro-amerikane vëren se në Shqipëri ka një korrupsion masiv, i cili sikundër thekson ajo, dobëson institucionet shtetërore, minon demokracinë, ndikon
negativisht në shoqëri dhe pengon përparimin e Shqipërisë drejt integrimit
Europian.
Duke folur për vrasjen e katër demonstruesve në 21 janar, diaspora shqiptare kërkon një hetim të plotë, gjithëpërfshirës e të pavarur dhe të ngjarjeve para, gjatë
dhe pas dhunës së 21 janarit.
“Ky hetim duhet të jetë i paanshëm, nuk duhet të ndikohet nga ndërhyrje politike të asnjë lloji si dhe duhet të vërtetojë rrjedhën e ngjarjeve dhe fajtorët. Ne e përshëndesim ndihmën e specialistëve ndërkombëtarë në zhvillimin e këtij hetimi. Udhëheqësit politikë duhet të respektojnë dhe të promovojnë mbarëvajtjen e institucioneve të pavarura të krijuara në bazë të kushtetutës. Të gjithë qytetarët shqiptarë, pavarësisht pozicionit shoqëror, bindjeve apo pozitave politike duhet të trajtohen në mënyrë të barabartë përpara ligjit”, bën me dije diaspora në deklaratën e saj.
Ajo i bën thirrje liderëve politikë që të ulin tonet e retorikës politike dhe të ndërpresin akuzat publike të paprovuara dhe të rikthejnë qytetarinë në dialogun politik.
Organizatat e diasporës duke iu referuar zgjedhjeve vendore të 8 majit nënvizojnë se “udhëheqësit politikë të zgjedhur duhet të forcojnë procesin
demokratik, si dhe të zhvillojnë zgjedhje të hapura, transparente dhe të
lira, të cilat të lejojnë përfshirjen e të gjitha grupeve brenda spektrit
politik”.
Diaspora shqiptaro-amerikane i bën apel partive politike të respektojnë procesin
zgjedhor dhe të angazhohen në një debat të qytetëruar e konstruktiv.
“Për këtë arsye, ne u bëjmë thirrje udhëheqësve politikë të reflektojnë, të
rikalibrojnë qëndrimin e tyre dhe t’i shërbejnë interesit të qytetarëve”, përfundon deklarata e Diasporës shqiptaro-amerikane.
Kjo deklaratë është firmosur nga këto organizata të diasporës:
Akademia Shqiptaro Amerikane
Albanian American Association Ana e Malit
Albanian American Chamber of Commerce
Albanian American Community Association
Albanian American Community Center Hasan Prishtina CT
Albanian American Cultural Foundation
Albanian American Islamic Center of Queens
Albanian American Society "Mother Teresa"
Albanian American Society Foundation
Albanian American Women's Org. For Hope & Peace
Albanian Childrens Fund
Albanian Cultural Center
Albanian Yelloë Pages
APEN – Albanian American Professionals & Entrepreneurs Netëork
Bashkimi Kombetar
Democratic League of Dardania
Fondacioni Dom Simon Filipaj
Fondi Humanitare Malesia
Forumi Shqiptaro Amerikan per Demokraci
Illyrian Partnership
Jetim Jam
Lëvizja Atdheu na Bashkon
Lidhja e Intelektualëve Shqiptaro-Amerikan Michigan
Lukaj Foundation
Massachusetts Albanian American Society "Besa"
Mother Teresa Civic Center Inc.
National Albanian American Council
Plave Guci Foundation
Shestani Group
Shoqata Atdhetare "KRAJA"
Shoqata Dedë Gjo' Luli Association
Shoqata e Atlantikut
Shoqata e Jetimit Shqiptaro Amerikane
Shoqata Humanitare Shqiptare Amerikane Philadelphia
Shoqata Kosova
Shoqata Kulturore "Nënë Tereza" Waterbury CT
Shoqata Malësia e Madhe - Michigan
The Albanians.com
The Martin and Mirash Ivanaj Foundation
The Society Of Albanian-American Writers
Ulqin-Kraj-Ana e Malit - Chicago
United Albanians
mit/NOA
