Tiranë, 1 prill, NOA – Marrëveshja për zgjedhjet e 8 majit është firmosur vetëm nga partitë që janë pjesë e koalicionit qeveritar. Kryetari i Partisë Bashkimi për Drejtësi dhe Unitet, Shpëtim Idrizi, Kryetari i Grupit Parlamentar të PD, Astrit Pazoti, Sekretari i Përgjithshëm i LSI-së, Luan Rama dhe Nënkryetari i Partisë Republikane Arian Madhi kanë firmosur sot paktin për garantimin e zgjedhjeve të lira dhe të ndershme.
Ndërkohë që Partia Socialiste nuk ka pranuar të jetë pjesë e marrëveshjes, pasi në të nuk është pasqyruar kërkesa për hetimin e zgjedhjeve pas zhvillimit të tyre.
Në takim nuk ka qenë i pranishëm kreu u deputetëve të PS-së, Gramoz Ruçi. Forca më e madhe në opozitë u përfaqësua në këtë takim nga deputeti Damian Gjiknuri.
Në takim nuk ka qenë as Partia Bashkimi për të Drejtat e Njeriut.
a.k./NOA
