Tiranë, 4 prill, NOA - Nënkryetari i grupit parlamentar të Partisë Socialiste, Erjon Braçe, ka denoncuar sot ashpër atë që ai e ka cilësuar si “pastrim parash që po tentohet të kryhet me operacionin që po zhvillohet për blerjen e Grupit mediatik News 24”.
Në komunikimin e tij me median, deputeti socialist tha se “dy politikanë ndër më të korruptuarit në vend, dy biznesmenë pa para dhe në vështirësi të madhe financiare, janë pjesa e identifikuar e operacionit, vlera e të cilit është 7 milionë euro”.
“Prej disa javësh dhe veçanërisht këto dy ditët e fundit, po konsumohet përpjekja më e madhe për blerjen nga pushteti politik të grupit mediatik News4”, tha ai.
Duke përfunduar se një pjesë e aksionerëve nuk dinë gjë fare për aksionet peng. “Ndërkohë në Itali po çuditet çdokush që merr vesh për këtë operacion: biznesmenë që paguajnë 7 milion euro për një kompani mediatike që nuk është biznes, të vetëdijshëm që nuk do t’i marrin më nga kjo kompani mediatike këto para”, shtoi Braçe.
n.e/NOA
