Berlin, 5 prill, NOA – Pas pasojave katastrofave të rrezatimit nga radioaktiviteti i centralit Fukushima në Japoni, duket se tërë Gjermanisë i ka “hyrë frika” nga ekzistenca e shumë të tillëve në territorin e saj.
Kështu, mbi 250 mijë persona janë mbledhur në sheshet e mëdha të qyteteve gjermane Berlin, Këln, Hamburg apo Mynih, për të protestuar njëzëri kundër tyre.
Sipas protestuesve, energjia atomike përbën një kërcënim për popullatat, ndaj qeveritë duhet që të heqin dorë nga prodhimi i saj përmes centraleve.
Kanë qenë shoqatat ambjentaliste të cilat kanë organizuar protestuesit, të cilët thërrisnin nëpër sheshet e Gjermanisë: "Fukushima paralajmëron për rreziqet: Mbyllni gjithë centralet atomike!", etj.
n.e/NOA
