Tiranë, 6 prill, NOA – Kandidati i Partisë Demokratike për Tiranën, Lulzim Basha deklaroi sot gjatë takimit me 31 intelektualët e kryeqytetit se fushata zgjedhore nuk është një luftë, por është në garë për të treguar se kush ka plane dhe dëshirë për të dhënë kontributin më të madh.
“Unë e di se realitetit politik e llogorizuar diskursin publik. Unë mendoj se kjo nuk shërben askujt, në këtë luftë nuk ka asnjë fitues, unë e shoh këtë garë jo si luftë, por si kontribut. Unë jam i gatshëm të jap kontributin tim në funksion të shqetësimeve dhe kurrsesi, si një luftë”, tha Basha.
Duke falënderuar intelektualët e pranishëm në takimin për Tiranën, Basha shprehu dëshirën që edhe kandidati Rama të shoh dhe të dëgjoj mendimin e njerëzve të njohur në fushat e ndryshme të shkencës.
“Ju falenderoj personalisht. Sot kemi dëshminë më të mirë se energjitë e këtij qytetit janë zgjuar dhe po rrinë vrullshëm në një drejtim të duhur. Dua të shpreh vlerësimin për këtë panel. Ky panel edhe ajo që ju përfaqësoni është i armatosur më së mirë për çdo sfide, dhe armët tuaja janë lufta për të vërtetën dhe interesi publik”, tha sot Rama.
a.k/NOA
