Tiranë, 7 prill 2011, NOA- Kandidatja për njësinë bashkiake nr.1 në Tiranë Lindita Nikolla në fjalën e mbajtur në çeljen e fushatës së Partisë Socialiste, përshkroi fillimin e saj dhe ditën e parë të punës.
Ajo shtoi se që në fillim është njohur me frikën e qytetarëve për humbjen e vendit të punës.
Nikolla tha se së bashku gjithë shqiptarët do i thonë këtij pushteti “Kurrë më”, pasi është një pushtet që prodhon ndasi.
“Kanë vendosur të na sfidojnë me një të paditur dhe gënjeshtar. Ky është Lulzim Basha e ka zgjedhur Sali Berisha, e ka zgjedhur Ilir Meta e të tjerë, por ai përfaqëson depozitën e parave të vjedhura”, u shpreh kandidatja për t’u rizgjedhur në njësinë nr.1 në kryeqytet.
Sipas Nikollës, gjithë deklaratat e Bashës janë boshe, pasi ai tregon hallet e gjithë shqiptarëve, por ai është ndryshe nga qytetarët, ai jeton ndryshe nga ata.
Ajo shtoi se kandidati i maxhorancës nuk i njeh hallet e shqiptarëve pasi ai ka punuar vetëm si ministër në Shqipëri, madje e ka shpërdoruar edhe atë.
Ndërkaq ajo shtoi se vendi i tij është përpara drejtësisë, pasi krahas aferave korruptive si ministër ai ka vrarë ehe katër qytetarë.
Nikolla theksoi se Tirana për Bashën nuk është e para, pasi sipas saj ai e dënoi atë të parën.
a.y.NOA
