Strasburg, 7 prill, NOA – Parlamenti Evropian ka dalë me një vendim paraprak për mbylljen e centraleve atomike që mund të jenë të rrezikshme.
Ky ka qenë rezultati i debatit të kryer mes anëtarëve të tij, pas katastrofës në ndodhur Fukushima të Japonisë, e cila ka përbërë një alarm të vërtetë mes vendeve anëtare të Bashkimit Evropian.
Në një kohë, kur PE pritet të vendosë zyrtarisht një moratorium për ndërtimin e centraleve të reja atomike.
I cili gjithashtu, do të përmbajë vendimin për mbylljen e atyre centraleve të cilët nuk i plotësojnë standardet.
Thuajse të gjithë eurodeputetët ishin të mendimit se duhet që të mbyllen centralet atomike, të cilët nuk kalojnë testin e standardeve të sigurisë.
Nga ana e tij, komisionari evropian për Energjinë, Günther Oettinger, vendet anëtare do të marrin vullnetarisht masat e nevojshme, sipas përfundimeve që do të dalin prej testeve për standardet e sigurisë së centraleve atomike.
Konkretisht, janë 143 centrale atomike të pranishme në të gjitha vendet e Bashkimit Evropian, 54 prej të cilave vetëm në Francë, të cilët do t'i nënshtrohen testit për standardet e sigurisë.
n.e/NOA
