E premte, 8 prill 2011, NOA- Departamenti Amerikan i Shtetit gjatë ditës së sotme publikoi raportin për të drejtat e njeriut, në të cilin flitej edhe për ecurinë e Shqipërisë.
Një fakt që evidentohet në këtë raport është presioni politik në fushën e gjyqësorit, si pasojë e korrupsionit në radhët e një pjese të gjyqtarëve, duke u thelluar edhe me rastet e pazbardhura nga ana e drejtësisë.
Më tej thuhet se, zgjedhjet e vitit 2009 janë zhvilluar në përputhje me ligjin dhe janë konsideruar edhe nga OSBE-ODHIR si një progres në krahasim me zgjedhjet e kaluara, pavarësisht disa problemeve të vogla.
Ndërkaq thuhet se një vëmendje e madhe duhet kushtuar edhe zgjedhjeve të 8 majit të cilat thuhet se duhet tu përmbahen standardeve dhe se duhet të shënojnë progres për Shqipërinë.
Në këtë raport një vëmendje kryesore i kushtohej edhe lirisë së medias, ku sipas raportit duhet të veprojë pa pengesa.
a.y/NOA
