Mat, 9 prill 2011, NOA- Një aksident i rëndë ka ndodhur pak minuta më parë në qytetin e Matit.
Një makinë me tre pasagjerë brenda ka rënë në humnerë, duke bërë që dëmtimet e marra ti vënë pasagjerët në gjendje kritike për jetën.
Sipas të dhënave paraprake mësohet se dy nga të plagosurit janë nisur me urgjencë drejt Spitalit Ushtarak në Tiranë, për të marrë ndihmën e menjëhershme.
Ndërkaq i dëmtuari i tretë është dërguar në spitalin e Burrelit pasi dëmtimet e pësuara prej tij, janë më të lehta se të dy pasagjerëve të tjerë.
Ndërkaq të dhënat paraprake flasin se identitetet e dy të aksidentuarve që janë nisur drejt kryeqytetit janë P.Boja dhe D.Kurtici.
Uniformat blu kanë mbërritur menjëherë në vendngjarje, por nuk kanë dhënë ende një version se cilat kanë qenë shkaqet e aksidentit, ndërsa po punojnë për zbardhjen e rrethanave.
a.y/NOA
