Irak, 10 prill, NOA - Të paktën 10 njerëz kanë humbur jetën dhe dy janë plagosur nga dy shpërthime të bombave në provincën Dijala të Irakut, njofton Reuters.
Policia tha se shpërthimet kanë goditur një fshat në afërsi të qytetit Kan Bani Saad, rreth 30 km në verilindje të Bagdadit.
Shpërthimi i parë ka vrarë gjashtë anëtarë të një familjeje. Katër të tjerët kanë vdekur nga shpërthimi i dytë, ndërsa dy kanë mbetur të plagosur.
a.k/NOA/RFE
