Uashington, 13 prill, NOA – "A do të ndjekin qeveritë dhe popujt e Lindjes së Mesme dhe Afrikës së Veriut rrugën më përfshirëse që do të zgjidhë problemet e vazhdueshme politike, ekonomike e sociale?
A do ta thellojnë ata përparimin e javëve të fundit dhe a do të adresojnë aspiratat e mohuara për shumë kohë për dinjitet dhe mundësi?
Apo do të ndodhë e kundërta, që kur të takohemi sërish në këtë forum pas një viti apo 10 vitesh do të shohim se gjasat për reforma janë zbehur duke e kujtuar momentin aktual si një mirazh në shkretëtirë?".
Këto janë pyetjet publike që ka ngritur sekretarja amerikane e Shtetit, Hillari Klinton, në takimin vjetor në Uashington mes SHBA-ve dhe Forumit Botëror Islamik, lidhur me gjithçka ndodhi këtë fillim-viti në botën arabe dhe atë që e pret tashmë.
Zyrtarja e lartë amerikane, ka pohuar se mbetet është i paqartë fakti nëse vendet e Lindjes së Mesme do të bëjnë reforma të vërteta politike e ekonomike pas asaj që ndodhi në të ashtuquajturat “revolucione” të tyre.
n.e/NOA
