Lushnjë, 13 prill, NOA – “Kemi bërë investime në të gjitha lagjet e Lushnjës dhe komunat e saj, prandaj paraqitemi krenarë në këtë fushatë elektorale”.
Kështu e ka nisur fjalimin e tij gjatë ceremonisë së prezantimit, kandidati demokrat për kryetar bashkie i qytetit të Lushnjës, Albert Sanxhaku.
Sipas tij, në këtë rreth, janë bërë investime të rëndësishme në fushën e arsimit, por edhe atë të bujqësisë.
“Lushnja do të heqë shumë shpejt dorë nga depozitat, pasi do të ofrohet ujë 24 orë”, ishte premtimi i radhës që bëri kandidati për kryetar bashkie.
Duke shtuar se do të asfaltohen të gjitha rrugët brenda lagjet, sikundër do të kthehen në parqe të lulëzuara të gjitha hapësirat e pallateve.
“Gjatë mandatit të ardhshëm, do të ndryshojë tërësisht jeta e qytetarëve të Lushnjës”, premtoi më pas Sanxhaku.
n.e/NOA
