Shkup, 14 prill, NOA – Parlamenti i Maqedonisë, sot pritet që të shpërndahet pas seancës së fundit, ku pritet që të jenë deputetët e tij të cilët do ta vendosin me votë një gjë të tillë.
Lajmi bëhet me dije nga mediat maqedonase, sipas të cilave, me propozim të kryetarit të Parlamentit, Trajko Veljanovski, sot është në rend dite çështja e votimit të shpërndarjes së parlamentit.
Ai u ka bërë thirrje të gjitha partive parlamentare të jenë të pranishëm në seancën e fundit për këtë legjislaturë, ndërsa nevojiten mbi 61 vota që të miratohet vendimi i shpërndarjes nga 120 deputetët e Parlamentit.
n.e/NOA
