Prishtinë, 15 prill 2011, NOA- Vetëm një ditë pasi uroi Presidenten e Kosovës për detyrën e saj, sekretarja amerikane e Shtetit, Hillary Clinton ka uruar edhe Kryeministin Hashim Thaçi.
Me rastin e rizgjedhjes së tij si Kryeministër, Clinton i ka dërguar kreut të qeverisë kosovare një mesazh urimi duke shprehur inkurajimin e saj për kabinetin e ri dhe ka përsëritur edhe njëherë mbështetjen e SHBA-së për Kososvën.
Telegrami i urimit të Hillary Clinton:
I nderuari z. Kryeministër Ju uroj për rizgjedhjen tuaj si Kryeministër i Republikës së Kosovës. Kujtoj me kënaqësi udhëtimin tim në Kosovë në tetorin e vitit të kaluar dhe diskutimet tona të frytshme mbi rrugën që duhej ndjekur. Ju inkurajoj juve dhe kabinetin tuaj të ri që të shtyni përpara dhe në mënyrë të shpejtë avancimin e një agjende të qëndrueshme dhe efektive ekonomike, forcimin e sundimit të ligjit, integrimin e pakicave në Kosovës dhe ndjekjen e reformave të cilat do ta shpijnë vendin tuaj drejt përmbushjes së aspiratave euro-atlantike. Angazhimi juaj konstruktiv në dialogun e ndihmuar nga BE-ja do të jetë i rëndësishëm në këtë drejtim. Përshëndes progresin që Kosova ka shënuar në tre vjetët e parë të pavarësisë dhe mirëpres partneritetin përherë e më të ngushtë dhe më të thellë në vitet e ardhshme. Shtetet e Bashkuara të Amerikës do të vazhdojnë të mbështesin përpjekjet e Kosovës për të realizuar të drejtat dhe përgjegjësitë e saj si anëtare sovrane dhe e pavarur e bashkësisë ndërkombëtare.
Ju dëshiroj çdo sukses në këto angazhime!
Me nderime, Hillary Rodham Clinton
a.y/NOA
