Basha prezanton kandidaten për Njësinë Bashkiake Nr. 5, Erisa Xhixho
Tiranë, 16 Prill 2011 NOA – Kandidati i mazhorancës për kreun e Bashkisë së Tiranës, Lulzim Basha ka prezantuar kandidaten për kryetare të kësaj Njësie Bashkiake Nr.5, Erisa Xhixho.
[media id=329 width=600 height=400]
Gjatë prezantimit, Basha premtoi se pas 8 Majit qytetarëve do t'u ofrohet një Bashki dhe kryebashkiak i një lloji të ri, që do shohë dhe dëgjojë problemet e qytetarëve.
Konflikti politik nuk është rruga e zgjidhjes së problemeve, tha Basha.
Lulzim Basha shprehu në këtë takim, angazhimin dhe përkushtimin e tij për ndërtimin e unazës së madhe e cila çliron trafikun, përmirëson cilësinë e udhëtimit dhe të ajrit në Kryeqytet, sikundër hap mbi 5 mijë vende të reja pune.
Po kështu, Basha tha se do të ndërhyhet në lagjet e Tiranës për t'i asfaltuar dhe për të krijuar hapësira të gjelbra.
e.t/NOA
