Peskara, 16 prill 2011, NOA - Kryetari i Partisë Socialiste Edi Rama ka prezantuar në Itali projektin e tij për zhvillimin e hapësirave urbane.
Në forumin e organizuar pasditen e djeshme në Pescara të Italisë, kryesocialisti dhe kryebashkiak Rama folur para një auditori prej 500 personash, në lidhje me punën e tij në Tiranë.
Rama ka folur për konceptin e tij për ngjyrat dhe për mënyrën sesi ndikojnë ato tek njerëzit. “Ngjyrat mund të intimidojnë më shumë sesa policia”, ka thënë kreu i Partisë Socialiste.
Në forumin “Demokracia me ngjyra” të organizuar nga ish-kryetari i Bashkisë së Peskarës është diskutuar dhe për ndjekjen e modelit të ngjyrave dhe në qytetin italian.
Në lidhje me importimin e këtij projekti të ngjyrave dhe të fasadave, Rama ka theksuar se modeli i “Tiranës nuk është një shembull për t’u ndjekur, por për t’u diskutuar”.
Në formimin e organizuar në Peskara, Rama u është përgjigjur dhe pyetjeve të të pranishmëve.
I pyetur nëse do ishte dakord që të shkonte në Peskara për disa kohë si kryebashkiak, Rama duke bërë humor u shpreh se; “nuk mundej, pasi këtu ka shumë demokraci”.
Po dje kreu i PS-së ka zhvilluar dhe me drejtuesit e pushtetit vendor në këtë qytet italian. Gjatë vizitës në Itali, Rama shoqërohej dhe nga bashkëshortja Linda Rama.
a.k./NOA
